Villuleit á íslensku í Wordpress

9. febrúar 2010 kl. - Helgi Hrafn

Í kjölfar þess að ég tek þátt í þýðingu á Wordpress 2.9.1 með Axel Rafni og Victori Jónssyni ákvað ég að skoða möguleikann á því að fá íslenska villuleit í Wordpress ritillinn. Eins og allir vita sem vinna eitthvað með Wordpress þá notar það kerfi TinyMCE ritilinn. Svo mundi ég allt í einu að Mbl Bloggið notar TinyMCE og er með tengingu við Púka. Ég fékk að vita að það er vefþjónusta við Villupúkann hjá Frisk og ég er búinn að senda þeim fyrirspurn.

Á meðan ákvað ég að skoða aðra möguleika og komst að því að Spellchecker íbótin í TinyMCE kann að nota ASpell. Ég setti upp ASpell með stuðningi fyrir íslensku og breytti einfaldlega nokkrum stillingum og fékk þetta til að virka.

Í þessari færslu fer ég í gegnum þær breytingar sem þarf að gera.

1. Setja upp ASpell

Minn vefþjónn keyrir á Gentoo þannig ég setti upp ASpell með því að keyra eftirfarandi

LINGUAS="en is no" emerge -atv aspell

Þetta fer að sjálfsögðu eftir því hvernig stýrikerfi er á vefþjóninum þínum. Væri gaman að heyra hvað þú þarft að fara í gegnum.

2. Breyta wp-include/js/tinymce/plugins/spellchecker/config.php

Breyta þarf hvaða vél á að fara í gegnum textann. Sjálfgefið er GoogleSpell, en við viljum hafa PSpellShell. Það þarf einfaldlega að commenta út eina línu og setja comment á aðra.

// General settings
//$config['general.engine'] = 'GoogleSpell';
//$config['general.engine'] = 'PSpell';
$config['general.engine'] = 'PSpellShell';
//$config['general.remote_rpc_url'] = 'http://some.other.site/some/url/rpc.php';

Gott er að ganga úr skugga um að PSpellShell stillingarnar séu réttar. Í mínu tilfelli eru þær svona:

// PSpellShell settings
$config['PSpellShell.mode'] = PSPELL_FAST;
$config['PSpellShell.aspell'] = '/usr/bin/aspell';
$config['PSpellShell.tmp'] = '/tmp';

3. Búa til my_languages í functions.php í þemunni sem er í notkun

Til að bæta íslensku við (eða yfirskrifa) sem tungumál til að villuleita, þarf að gera filter fall og virkja það rétt. Heiti þessa falls getur verið hvað sem er, en það sama heiti þarf þá að nota þegar kallað er á add_filter. Þetta þarf að gera í functions.php skránnig sem er í möppunni sem inniheldur allar skrár fyrir þemuna sem er í notkun. Ef sú skrá er ekki til þarf að búa hana til fyrst og halda svo áfram.

function my_languages($str) {
	// Bæta við
	$str .= ',Czech=cz';
 
	// Yfirskrifa
	$str = '+Islenska=is,English=en,Norsk=no';
 
	return $str;
}
 
add_filter( 'mce_spellchecker_languages', 'my_languages' );

Sjálfgefinn strengur sem kemur inní fallið er:

'+English=en,Danish=da,Dutch=nl,Finnish=fi,French=fr,German=de,Italian=it,Polish=pl,Portuguese=pt,Spanish=es,Swedish=sv'

4. Prufa

Þá er bara að prufa að búa til nýja færslu og sjá hvaða tungumál koma í listann og jafnvel að láta villuleita.

Auka

Fyrir þá sem ekki hafa tækifæri á því að setja upp ASpell á vefþjóninum sínum, þá er ég að skoða þann möguleika að vera með XML-RPC server fyrir þá sem vilja. Hvort sem það verður með hjálp Villupúka frá Frisk eða með mínum eigin sem mundi nota ASpell. Þá ætti allt að vera eins mena skref 2.

Deila með öðrum:
  • Facebook
  • Twitter
  • Digg
  • StumbleUpon
  • del.icio.us
  • Google Bookmarks
  • Tumblr
  • LinkedIn
  • email

Efnisorð: , , , , , , , , , , ,

Athugasemdir (11) við “Villuleit á íslensku í Wordpress”

  1. Axel Rafn segir:

    Glæsilegt, virkar eins og skot =)
    Ég að vísu nota Debian og því var skipunin í fyrsta þrepinu: apt-get install aspell-is sem kallar þá á öll dep ef þau eru þá einhver. =)

  2. Villuleit í Wordpress (spellchecker) « axelrafn.org segir:

    [...] langaði að benda fólki á þessa færslu hjá honum Helga sem fjallar um það hvernig það er hægt að virkja spellchecker í Wordpress [...]

  3. Tweets that mention Villuleit á íslensku í Wordpress | Helgi Hrafn Halldórsson -- Topsy.com segir:

    [...] This post was mentioned on Twitter by Helgi Hrafn, Axel Benediktsson. Axel Benediktsson said: RT @harabanar: Villuleit á íslensku í Wordpress http://bit.ly/cLyS5n #Wordpress #Spellchecker [...]

  4. Hannes segir:

    Töff stöff. Ætla að prófa þetta á nokkrum vefum sem ég er búinn að setja upp.

  5. Rosastef segir:

    Jedúdda mía. Ég týndi þér í skrefi 1. Frábær árangur hjá mér :)
    Ég ætla samt að harka mig í gegnum þetta og þetta mun takast! Ég skal! Getur einhver aðeins leiðbeint mér með það að setja eitthvað upp á netþjóninum? Skref 2 og 3 ættu svo ekki að vera vandamál. Með fyrirfram þökk…

  6. Helgi Hrafn segir:

    @Rosastef Hefur þú aðgang til þess að gera breytingar á vefþjóninum “þínum”?

  7. Haraldur Helgi segir:

    Er mikið mál að græja þetta með hýsingu frá Stefnu?

  8. gummisig segir:

    brillian framtak, ég þarf að nota þýðinguna ykkar við tækifæri

  9. Rosastef segir:

    Halló Helgi! Það veit ég ekki. Hvernig aðgang þarf ég?

  10. Ketill segir:

    Nice, ég ætla að henda þessu á bloggið mitt, ekki veitir af.

  11. Villuleit á íslenskum texta |Potturinn.com segir:

    [...] hef svo sem vitað um leiðbeiningar hvernig er hægt að setja upp yfirlestur í WordPress, en hef þó ekki prófað að setja þetta upp hjá [...]

Skrifa athugasemd

/>

/>

Leyfilegt XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong> <pre lang="" line="" escaped="">